Эрхэм баян эрдэм дунд сургууль

СЭЗИС-ийн харьяа “Эрхэм баян эрдэм” бүрэн дунд сургуулийн багш, хамт олны өмнөөс та бүхэнд энэ өдрийн мэнд хүргэе!

Манай сургууль нь 2014-2015 оны хичээлийн жилээс эхлэн 7 дахь жилдээ үйл ажиллагаагаа амжилттай явуулж байна. Одоогийн байдлаар 1-10 дугаар ангийн нийт 223 сурагч, 24 багш, 11 бүлэгтэй 1 ээлжээр СЭЗИС-ийн А байрны өргөтгөлд хичээллэж байгаа юм.

“Эрхэм баян эрдэм” хэмээх нэрэнд манай сургуулийн зорилго, чиглэл цогцоороо багтсан бөгөөд судлаачдын үзэж байгаагаар мэдлэг нь орчлон ертөнцийг бүтээх, хувиргах хүч байдаг бол, эрдэм нь орчлон ертөнцийг эзэмших чадвар билээ. Эрдэм номтой хүн энэ орчлон ертөнцийн ил далд бүхий л учрыг таньж, буруу зөвийг ялгаж салгах чадварыг эзэмшиж, тэр хэрээрээ бүрэн төлөвшсөн бие хүн болон өсөж хөгждөг.

Бид 5 тэргүүлэх багш, 3 заах аргач, 10 магистр, 2 докторант, 3 магистрант багш бүхий чадварлаг баг хамт олонтойгоор үйл ажиллагаа явуулж байгаа бөгөөд 2019-2020 оны хичээлийн жилд “Дэлхийн хичээлийн судалгааны нийгэмлэг”-ээс Голланд улсын Амстердам хотод зохион байгуулагдсан “Хичээлийн судалгааны олон улсын хурал”-д эх орноо төлөөлөн оролцохоор шалгарч илтгэлээ амжилттай хэлэлцүүлэн ирсэн билээ. Мөн дүүрэг, нийслэлийн ур чадварын уралдаанд оролцож, амжилт гаргасаар байна.

Манай сургалтын онцлог хүүхдийг бүх талаар тэгш хөгжүүлэх үүднээс зөвхөн онц сурдаг, өөртөө зориулсан мэдлэгтэй хувь хүн бий болгохоос илүүтэй сурсан мэдсэнээ бусдын сайн сайхны төлөө зориулж чаддаг зөв бие хүн бий болгохыг хичээл болон хичээлээс гадуурх үйл ажиллагаандаа мөрдлөг болгон бүх судлагдахуунаа 30 хувийн баяжилтай зохион байгуулдаг билээ. Үүний зэрэгцээ хичээлүүдээ онолын мэдлэгт тулгуурлахын зэрэгцээ, хэрэглээнд оруулах сонирхолтой арга хэлбэрүүдийг багтаан хэрэгжүүлж байна.

Мөн сурагчид 3-р ангиас эхлэн англи хэлийг 7 хоногт 6 цагаар, мөн нэмэлтээр 6-р ангиас япон, солонгос, хятад хэлний хичээлийг сонгон судалдаг нь өөрийн ирээдүйн мэргэжилд хэрэглэгдэхүйц чөлөөт сонголт болдгоороо давуу юм.

Хичээлийн дараа 14 төрлийн дугуйлан секцийг сонгож урлаг, уран сайхан, гоо зүй, бие бялдар, сэтгэхүй, хувь хүний хөгжил талаасаа өөрийгөө нээн хөгжүүлэх боломжтой. Энэ хичээлийн жилд урлаг, спорт, уншлага, туршилт дадлага, сургалтын зэрэг олон зориулалтын танхимыг “Монгол боловсролын уламжлан шинэчлэгдэх төв” болгон ашиглалтад оруулаад байна. Уг танхимын үйл ажиллагаа, сургалтыг Соёлын Яам, Банк санхүүгийн академи, СЭЗИС, Багшийн туслах ХХК, Хасгэрэл цэцэрлэг дэмжин, хамтран зохион байгуулна.

2020-2021 оны хичээлийн жилээс ахлах ангидаа виртуал-хосолмол сургалтын хөтөлбөрийг туршин хэрэгжүүлж эхэлсэн бөгөөд үндсэн агуулгаас гадна олон төрлийн нэмэлт ур чадваруудыг олгох хөтөлбөр багтаж байгаа юм. Үүний нэг жишээ: танхимын сургалтад баригдалгүйгээр бодит орчинд дадлага хийх, турших, аялах, зуны сургуульд хамрагдан монгол ахуйтай танилцах, тооцоолол хийж сурах, мэдлэгийг чадамж болгон хувиргах арга ухаанд суралцах, нийгмийн сайн үйлсийн аянд хамрагдах зэрэг олон талын сургалтад хамрагдах болно. Үүгээрээ ерөнхий боловсролын суурь гэрчилгээгээ авахдаа гадны сургуулийн нийгэмд тустай үйл хийх гэсэн чухал шаардлагын нэгийг хангах боломжтой болох юм.

Тус сургуулийн сурагчдын 2015- 2016 оны хичээлийн жил гарснаас хойшхи оролцсон тэмцээн уралдааны үзүүлэлтүүд :

Холбоо барих