Тоон мэдээлэл

Төгсөгчдийн судалгаа

Төгсөгчдийн ажил эрхлэлтийн судалгааг 2013 оноос хойш тогтмол хийж байгаа бөгөөд сургууль – аж ахуйн нэгж байгууллагын түншлэл, хамтын ажиллагаагаа сайжруулах, сургалтын чанараа дээшлүүлэх зорилгоор 2013 оноос хойш төгсөгчдийн ажил эрхлэлтийн судалгааг Оюутанд үйлчлэх төвийн чиг үүрэгт оруулж төгссөнөөс хойш 6 сар, жилийн дотор тогтмол авч зохион байгуулж байна.

Энэхүү судалгаанд СЭЗИС-ийн бакалаврын хөтөлбөрийг тухайн жилд төгссөн төгсөгчдийн 80-аас дээш хувийг хамруулдаг бөгөөд ажиллаж буй салбар, төгссөн мэргэжлээрээ ажилладаг эсэх, төгсөөд ажилд ороход зарцуулж буй дундаж хугацаа болон идэвхитэй ажил хайж байгаа ажилгүй төгсөгчдийн бүртгэлийг гаргаж ажил олгогч байгууллагуудтай холбох, мэдээллийг хүргэж, зуучлах үйлчлгээг үзүүлж байна.

Анги дэвшилтийн хувь хэмжээ /2017-2020 он/

СЭЗИС-ийн өдрийн хөтөлбөрийн Олон улсад магадлан итгэмжлэгдсэн хөтөлбөрүүдийн анги дэвшилтийн хувь хэмжээг сүүлийн 4 жилээр дараах графикаар харуулав.

Тайлбар: Дээрх үзүүлэлтэд шилжилт хөдөлгөөн хийгдсэн оюутнуудын мэдээллийг оруулсан болно. Үүнд: оюутны анги, мэргэжил солих, гадаад болон дотоодын их дээд сургуулиас шилжиж ирэх, шилжин явах, улирлын болон жилийн чөлөөнөөс үргэлжлүүлэн суралцаж байгаа г.м.
Эх сурвалж: СЭЗИС-ийн Бакалаврын сургалтын алба

Төгсөлтийн хувь хэмжээ

СЭЗИС-ийн өдрийн хөтөлбөрийн Олон улсад магадлан итгэмжлэгдсэн хөтөлбөрүүдийн 2018-2020 оны төгсөлтийн хувь хэмжээг дараах графикаар харуулав.

Тайлбар: Төгсөлтийн хувь хэмжээнд СЭЗИС-д элсэн орсоноос хойш 4-5 жилд багтан төгсөж буй оюутнуудын тоон үзүүлэлт болно.
Эх сурвалж: СЭЗИС-ийн Бакалаврын сургалтын алба

Төгсөгчдийн ажил эрхлэлтийн хувь

СЭЗИС-ийн өдрийн хөтөлбөрийн Олон улсад магадлан итгэмжлэгдсэн хөтөлбөрүүдийн хувь дах төгсөгчдийн ажил эрхлэлтийн хувь хэмжээг сүүлийн 5 жилээр дараах зурагт харуулав.

Тайлбар: Дээрх судалгаанд 2016 оны төгсөгчдийн 80%, 2017 оны төгсөгчдийн 72%, 2018 оны төгсөгчдийн 82%, 2019 оны төгсөгчдийн 87% нь тус тус оролцсон болно.
Эх сурвалж: СЭЗИС-ийн Бакалаврын сургалтын албаны “Төгсөгчдийн ажил эрхлэлтийн судалгаанаас”

Нийт суралцагчдаас "Оюутан хөгжлийн зээл"-д хамрагдсан хувь

АНУ-ын “Peregrine Academic Services” оюутны мэдлэг, чадварыг үнэлэх олон улсын хараат бус хөндлөнгийн үнэлгээ

АНУ-ын “Peregrine Academic Services” олон улсын байгууллага нь “Олон улсын бизнесийн боловсролын үнэлгээний шалгалт-GBE” буюу сургалтын хөтөлбөрийн чанарт онлайнаар хөндлөнгийн хараат бус үнэлгээ хийдэг.

СЭЗИС нь 2012 оноос эхлэн хөндлөнгийн үнэлгээг бакалаврын болон магистрын хөтөлбөрүүдэд суралцаж буй төгсөх ангийн оюутан, суралцагчдад зориулан жил бүр “Гарцын шалгалт”-ыг тогтмол хийлгэсээр ирсэн ба доорх сэдвүүдийн хүрээнд шалгалтад хамрагддаг.

1. Маркетинг
2. Бизнесийн санхүү
3. Нягтлан бодох бүртгэл
4. Менежмент
5. Бизнесийн хууль зүйн орчин
6. Эдийн засгийн онол
7. Бизнесийн ёс зүй
8. Дэлхий нийтийн бизнесийн хүрээ
9. Мэдээллийн системийн менежмент
10. Тоон техник арга, статистик
11. Бизнесийн манлайлал
12. Бизнесийн интеграци, стратегийн менежмент

СЭЗИС-ийн 2014-2019 оны хичээлийн жилүүдэд хийлгэсэн “Peregrine Academic Services”-ийн хөндлөнгийн үнэлгээний тайлангаас сүүлийн 5 жилийн дундаж үзүүлэлтүүдийг та бүхэнд танилцуулъя. СЭЗИС-ийн оюутан, суралцагчдын мэдлэг, чадвар эзэмшсэн байдлыг Монгол Улсын их, дээд сургуулиуд (энэ нь дотроо төрийн өмчийн болон төрийн бус өмчийн их, дээд сургууль гэсэн хоёр ангилалтай), ACBSP-ийн 8-р бүсийн их, дээд сургуулиудтай харьцуулан гаргасан.
Үүнд:

Уг судалгааны үр дүнгээр СЭЗИС-ийн бакалаврын хөтөлбөрийн оюутнуудын мэдлэг, чадвар нь Монгол Улсын их, дээд сургуулиудаас 7.24 хувиар (энэ нь дотроо төрийн өмчийн сургуулиудаас 6.80 хувиар, төрийн бус өмчийн их, дээд сургуулиудаас 7.70 хувиар), ACBSP-ийн 8-р бүсийн их, дээд сургуулиудтай харьцуулан үзэхэд 4.02 хувиар тус тус илүү гарсан байгаа нь сургалтын чанар дотоодод төдийнгүй олон улсын түвшинд үнэлэгдэж байна.

СЭЗИС-ийн магистрын хөтөлбөрийн суралцагчдын мэдлэг, чадвар нь Энэтхэгийн бүсийн их, дээд сургуулиудтай харьцуулан үзэхэд 6.1 хувиар (энэ нь дотроо Бизенсийн магистрын хөтөлбөртэй сургуулиудаас 5.0 хувиар), Латин Америкийн бүсийн их, дээд сургуулиудаас 4.03 хувиар тус тус илүү гарсан бол ACBSP-ийн 8-р бүсийн их, дээд сургуулиудтай харьцуулан үзэхэд -0.81 хувиар, Европын бүсийн их, дээд сургуулиудтай харьцуулан үзэхэд -1.48 хувиар тус тус бага гарсан байна. Дээрх хөндлөнгийн хараат бус шалгалтын үр дүнг дүгнэж үзвэл СЭЗИС-ийн сургалтын хөтөлбөр, төгсөгчдийн чанар үндэсний болон олон улсын түвшинд сайн байгааг нотлон харуулж байна. Бид цаашид дотоодын болон гадаадын дээд боловсролын сургалтын байгууллагуудтай хамтран ажиллах, төгсөгчдийн цогц чадамжийг улам дээшлүүлэх, сургалтын хөтөлбөрүүдийг олон улсын стандартын дагуу хөгжүүлэн бүс нутаг болон олон улсын дээд боловсролын зах зээлд өрсөлдөх боломж байгааг харуулж байна.

Шалгалтын тухай дэлгэрэнгүйг хавсралт файл болон доорх линкээс авна уу!
http://peregrineacademics.com/